திருந்தி விடு மனமே

சஞ்சலமும் சிரிப்பும்
கோபமும் கும்மாளமும்
கவலையும் களிப்பும்
அழுகையும் ஆனந்தமும்
குழப்பமும் குதூகலமும்
ஒன்றுக்கொன்று விட்டுக்
கொடுத்து நம் வாழ்க்கையை
அலங்கரிக்கின்றன

இது தெரிந்த பின்னும்
ஏன் அழுகிறாய்?
எதற்கு கலங்குகிறாய்?

மகனை இழந்த
தாயே சிறிது காலம்
சென்ற பின்
அமைதியுறும்போது
நீ மட்டும் எதற்காக
சிறியதற்கு எல்லாம்
மனம் சஞ்சலம் அடைகின்றாய்?

திருந்தி விடு
மனமே இன்றோடு
திருந்தாத காரணம்
ஒன்று இருந்தால்
அது உன்னை நீயே
வீழ்த்துவதற்கு
மட்டும் தான்