வாராயோ விளையாட

அன்பை உடலோடு உடலாக
அணைத்துக் கொண்டேன்

அன்பு கேட்டது என்னை நீ
அதிகம் நேசிக்கின்றாயே ஏன்?

பாலைவனத்தை நொடியில்
பசுஞ்சோலை ஆக்குகிறாயே
அதனால்

பணத்திற்காக என்னை விட்டுக் கொடுப்பாயா
அன்பு கேட்டது என்னை

பணமே எனக்கு உன்னை வெளிப்படுத்தத் தான்
உனக்குத் தடையான பணத்தை விட்டு விலகவும்
தயங்கேன் நான்

என்னை கௌவரிக்க கண்களில் கவி பேசணும்
என அறிந்தீரா
அன்பு கேட்டது என்னை

நீ என்னிடம் உறைந்து மட்டும்
கிடக்கின்றாயே ஆழமாக
கண் பேசும் விளையாட்டுக்கு
வர மாட்டேன் என்கிறாயே
பல சமயம்
உன்னைக் கோபித்து பலன் ஏதும் இல்லை எனக்கு
இருந்தும்
உன்னைக் கோபித்துக் கொள்ளத்தான் போகிறேன்
விளையாட வர வில்லை என்று