பச்சவந்தி

பிறந்த பொழுது நல்ல ஒரு
கண்காட்சிப் பொருள் ஆனேன்

வளர்ந்த பொழுது அன்னையின்
வளர்ப்புப் பிராணி ஆனேன்

விடலைப் பருவத்தில்
சுதந்திரப் போராட்ட வீராங்கனை ஆனேன்

வாழ்க்கைப் போராட்டத்தைக் கண்டு கலங்கிய பொழுது
சிதறி உடைந்த முட்டையின் கருவானேன்

மணவறையில் நல்ல ஒரு
கதாநாயகி ஆனேன்

மகளை ஈன்றெடுத்த போது அந்த
இயற்கை அன்னையாகவே ஆனேன்

இன்று கவி ஆன பொழுது
ஞானம் வளர்க்கும் நல்ல ஒரு பிரஜை ஆனேன்

நலிந்தோர் துன்பம் தீர்க்கும் தருணம்
அந்தக் கடவுளின் செல்லப் பிள்ளை ஆனேன்

சுருக்கமாகச் சொன்னால் நான் ஒரு
பச்சவந்தியாகவே பிறவி எடுத்துள்ளேன்