தோழன்

பத்து வார்த்தை பேசினாலே உன்னுள் பத்தாயிரம் சிறந்த
வார்த்தை புதைந்திருக்குது என்றான்

பெண்ணே நீ பிறந்தது எதற்கு என்று
சிந்திக்கவும் வைத்தான்

பதுங்கிக் கிடந்த உயிரைப் பலர் முன்னிலையில்
வெளியிட்டு மகிழ்ந்திட அடித்தளம் வைத்தான்

உன் கையிருக்கு இங்கே இணையம் இருக்குது அங்கே
இரண்டையும் இப்போதே கோர்த்துவிடு என்றான்

முடங்கிக் கிடந்த ஆசையை மும்மரமாய்
வளர்த்துப் பெருக்கிட தூண்டு கோலானான்

ஆசைக்கும் அறிவிற்கும் உள்ள இடைவெளியை
தூரதிருஷ்டிக் கண்ணாடியில் காண்பித்தான்

பெண்ணே அறிவை ஆசைக்குத் தடையாக்கினால்
அந்த அறிவைத் தூக்கி எறியத் தயங்காதே என்றான்