பக்தி எந்தன் காணிக்கை

அருந்தும் குடிநீரிலும் நீ
அனுதினம் உண்ணும் சிற்றுண்டியிலும் நீ
அடுத்த வீட்டு அக்கா கொடுத்த இனிப்பிலும் நீ

உடற்பயிற்சித் துணையிலும் நீ
உடன் அக்கறை காட்டும் அன்பனிலும் நீ
உற்சாகமாக பணி தரும் மேலாளரிலும் நீ

இயற்கைக் காட்சியிலும் நீ
இளவேனிற் காற்றிலும் நீ
இவர்கள் எழுதும் கவிதையிலும் நீ

இனிமையானப் பாடலிலும் நீ
இனிமையானப் பயணத்திலும் நீ

இதமான தியானத்திலும் நீ
இளக வைக்கும் யோகத்திலும் நீ

சுவாசக் காற்றிலும் நீ
இருதயத் துடிப்பினிலும் நீ

நீ என்னை முழுவதுமாய் ஆக்கிரமித்து
ஆதரிக்கும் இந்த வேளையிலே
உன்னை எனக்குத் தந்த
உயிரினங்களுக்கெல்லாம்
எந்தன் பக்தியை காணிக்கையாகச்
செலுத்துகிறேன்

நீ யாராக இருக்கும் என்று யோசிக்கும்
அன்பர்களை மேலும் கலங்க விடாமால்
நீ தான் மற்றவர் என் மீது காட்டும் அன்பு
இறையன்பு என்று முடிவில் உரைத்து விடுகிறேன்