வளமான வாழ்க்கை

ஏன் ஏன் கேட்ட உயிர்
எப்படி எப்படி என எண்ணிப்
பழகும் காலம் வினை
நீங்கும் காலம்

ஏன் என்று உடையாது 
எப்படி திருத்த  விடை
அறிந்து

சவால்  சந்திக்கும்
திறன் கொடு 
இறைவனை வேண்டி

இறைவழி என்வழி
என்வழி இறைவழி
என உணர்ந்து

பிறர் மகிழ்ச்சி
தன் மகிழ்ச்சி
அனுபவத்தில் அறிந்து

வாழும் வாழ்க்கை
வளமான வாழ்க்கை

இதயத் துடிப்பில் சேவை

மனதை சேவைக்கு
அர்ப்பணித்து

நொடி ஒன்றிலும்
சேவை நோட்டத்துடன்
செயல்பட்டு

இழந்த வலிமை
மீண்டும் பெற்று

சேவை புரியும்
வழி முறையில்
புதுமை புகத்தி

குவியும் எண்ணப் படலங்களை
சேவைக்கு திசை திருப்பி

தனக்கும் தானே
சேவைகள் செய்து

சேவைத் துறையினர்
சேவை மனமுடையோர்
இவருடன் சேர்க்கை சேர்ந்து

சேவையை இதயத் துடிப்பில்
சேர்த்து விட்டால்
மற்றவர் உள்ளம் அமைதி பெற
வழி காட்டவும் முடியும் நம்மால்.

பழக்கத்தை குணப்படுத்து

பழக்கத்தை குணப்படுத்து
வரவிருக்கும் நோய் கூட
வர மறந்து விடும்

நோயின் முதற்குறி கண்டதும்
பழக்கத்தை குணப்படுத்து
நோய் தன்னை இழந்து விடும்

நோய் வந்தபின்னும்
பழக்கத்தை குணப்படுத்து
நோய் மௌனித்து விடும்

முக்கால் பட்சம் உபாதைக்கு
நீயே மருத்துவன்
இதை அறிந்த பின்னும்
பழக்கத்தை குணப்படுத்து

தூணிலும் இருப்பார்

தூணிலும் இருப்பார்
துரும்பிலும் இருப்பார்
தக்க துணையிலும் இருப்பார்

நல்மக்கள் கூடும் அவையிலும்
பிணி தீர்க்கும் பணி கொண்ட
நல்மக்கள் கரங்களிலும்
இருப்பார்

தூணிலும் இருப்பார்
துரும்பிலும் இருப்பார்
தக்க துணையிலும் இருப்பார்

சேவை சிறப்பாகச் செய்வர்
நல்மக்கள் அவர்தம் சொற்களிலும்
சேவைக்கு தன்னை அர்ப்பணித்த
ஒரு நல்மகன் அவர்தம் எழுத்திலும்
இருப்பார்

அருகிலே மிக அருகிலே
தாயைப் போல் இருப்பார்
கண்டு கொண்டால் தெரியுமே
அவர் பெருமை

அவர் இருக்கும் நிலை கண்டதும்
கலக்கம் என்ற சொல்லுக்கு
வேலை இல்லை அதிகம்
அவர் இருக்கும் நிலை கண்டதும்
கலக்கம் என்ற சொல்லுக்கு
வேலை இல்லை அதிகம்

அன்பும் கருணையும்

மயக்கமதை மறைந்திடச் செய்ய
கவலை தனை கணத்தில் கலைத்திட
சினமதை சிறு கடுகாய் சிதைத்திட
அன்பு கருணை முகர்ந்திடு

நற்செயல்  ஒன்று
அன்பு கருணை

நற்செயலுக்கு நன்றி நவில்தல்
அன்பு கருணை

பணிவிடை குறைந்திட்ட வேளை
பண்புடன் ஆடவன்
அன்பு கருணை

குடும்ப அமைதிக்கு தியாகம்
அன்பு கருணை

குற்றம் கண்டு பொங்காதிருப்பது
அன்பு கருணை

எவ்விடத்தும் அன்பு கருணை
நோக்கிய பின்

அகத்துள் உறையும்
அன்பு கருணை

காலாய்க் குறைந்த காமம்

உறவினர் தெய்வம் ஆனபின்
நண்பர் உறவினர் ஆனபின்
உலக மக்கள் நண்பரானபின்

சோகம் சுகம் ஆனபின்
மோகம் முகம் ஆனபின்
அன்பு அகம் ஆனபின்
வேகம் வேதம் ஆனபின்

வாழும் உயிர்க்கு
காமம் காலாய்க் குறைந்தும்
குறை என்று குறை கூறத்
தயங்குவர்
குன்றில் உறைந்த குமரனும்
கூத்த பெருமாளும்

வருந்துவதற்கு இல்லை இடம்

மாறாதது
மனித உயிர் தோன்றி மறைவது
தாவரங்கள் பூமியை நிரப்புவது
ஆறிலும் சாவு, நூறிலும் சாவு
உயிர்கள் காட்டும் அன்பு
இறையருள்

மாறுவது
எவ்வளவு ? அவ்வளவும் அளக்க இயலும்?

மாறுவது இருப்பதனால் வருந்துவதற்கு இல்லை இடம்
மாறாததை அறிவதனால் வருந்துவதற்கு இல்லை இடம்