புதிய தேரோட்டி

மனம் பித்தானாலும்
பதினாறு  பெற்று

விம்மிய மனம் விலகி
வலிய மனம் விழித்தெழுந்து

உடற் தேரை
மனம் முற்றிலும் 
இழுத்துச் செல்ல

முற்றிலும் புதிய
தேரோட்டி
ஆகி விடில்

இன்னல்கள் இன்னும்
வாட்டி விடா

இன்று முதல்

அனைவர்க்கும் தாயாகி விடு 
அனைவரையும் வாழ்த்திவிடு

எளியவர்க்கு பிரார்த்தித்து விடு
எளியவர்க்கு உதவி விடு

நல்லதையே கண்டு விடு
நல்ல மனம் வலிய மனம் பெற்று விடு

உன்னை நீயே உயர்த்திவிடு
என்றும் எதிலும் உயர்த்திவிடு

அனைவர்க்கும் தாயாகி விடு 
அனைவரையும் வாழ்த்திவிடு

தாயன்பு

தாயன்பை பெற்றுப்பார் பிறரிடத்து
எத்தனை பலம்  பின் தெரியும் 

புகழ், பணம் சரிந்த பொழுது
தலை தூக்கி விடும் தாயன்பு

மனம் நொந்த பொழுது
அள்ளித் தரும்  நிம்மதி தாயன்பு

தாயாய் சேயுடன் தவிக்கும் பொழுது
தவிப்படங்கும்  தாயன்பு கண்டு

தாயன்பு காண தேவை இல்லை
தாய் அருகில்

தாயன்பைத் தர வல்லோர் 
அன்பு காட்டும் ஒவ்வொருவரும்

வளமான வாழ்க்கை

ஏன் ஏன் கேட்ட உயிர்
எப்படி எப்படி என எண்ணிப்
பழகும் காலம் வினை
நீங்கும் காலம்

ஏன் என்று உடையாது 
எப்படி திருத்த  விடை
அறிந்து

சவால்  சந்திக்கும்
திறன் கொடு 
இறைவனை வேண்டி

இறைவழி என்வழி
என்வழி இறைவழி
என உணர்ந்து

பிறர் மகிழ்ச்சி
தன் மகிழ்ச்சி
அனுபவத்தில் அறிந்து

வாழும் வாழ்க்கை
வளமான வாழ்க்கை

இதயத் துடிப்பில் சேவை

மனதை சேவைக்கு
அர்ப்பணித்து

நொடி ஒன்றிலும்
சேவை நோட்டத்துடன்
செயல்பட்டு

இழந்த வலிமை
மீண்டும் பெற்று

சேவை புரியும்
வழி முறையில்
புதுமை புகத்தி

குவியும் எண்ணப் படலங்களை
சேவைக்கு திசை திருப்பி

தனக்கும் தானே
சேவைகள் செய்து

சேவைத் துறையினர்
சேவை மனமுடையோர்
இவருடன் சேர்க்கை சேர்ந்து

சேவையை இதயத் துடிப்பில்
சேர்த்து விட்டால்
மற்றவர் உள்ளம் அமைதி பெற
வழி காட்டவும் முடியும் நம்மால்.

பழக்கத்தை குணப்படுத்து

பழக்கத்தை குணப்படுத்து
வரவிருக்கும் நோய் கூட
வர மறந்து விடும்

நோயின் முதற்குறி கண்டதும்
பழக்கத்தை குணப்படுத்து
நோய் தன்னை இழந்து விடும்

நோய் வந்தபின்னும்
பழக்கத்தை குணப்படுத்து
நோய் மௌனித்து விடும்

முக்கால் பட்சம் உபாதைக்கு
நீயே மருத்துவன்
இதை அறிந்த பின்னும்
பழக்கத்தை குணப்படுத்து

தூணிலும் இருப்பார்

தூணிலும் இருப்பார்
துரும்பிலும் இருப்பார்
தக்க துணையிலும் இருப்பார்

நல்மக்கள் கூடும் அவையிலும்
பிணி தீர்க்கும் பணி கொண்ட
நல்மக்கள் கரங்களிலும்
இருப்பார்

தூணிலும் இருப்பார்
துரும்பிலும் இருப்பார்
தக்க துணையிலும் இருப்பார்

சேவை சிறப்பாகச் செய்வர்
நல்மக்கள் அவர்தம் சொற்களிலும்
சேவைக்கு தன்னை அர்ப்பணித்த
ஒரு நல்மகன் அவர்தம் எழுத்திலும்
இருப்பார்

அருகிலே மிக அருகிலே
தாயைப் போல் இருப்பார்
கண்டு கொண்டால் தெரியுமே
அவர் பெருமை

அவர் இருக்கும் நிலை கண்டதும்
கலக்கம் என்ற சொல்லுக்கு
வேலை இல்லை அதிகம்
அவர் இருக்கும் நிலை கண்டதும்
கலக்கம் என்ற சொல்லுக்கு
வேலை இல்லை அதிகம்